Archive for the ‘செம்மொழி’ Category

மூன்று தலைமுறைக்கு இருப்பதும், இல்லாததும்!

மே 16, 2010

மூன்று தலைமுறைக்கு இருப்பதும், இல்லாததும்!

மூன்று தலைமுறைக்குப் பின்னும் வருபவர்களுக்குக் கவலையில்லாமல் கொள்ளயடித்துக் கோடிகளை அள்ளிவைதுள்ள இவர்கள் மக்களைப் பற்றி ஏன் கவலைப் படப்போகிறார்கள்?

பிறப்பொக்குகம் எல்லா உயிர்க்கும் என்றால், இங்கே ஏன் இப்படி தண்ணீர் மொள்ளவேண்டும், அங்கோ பாட்டிலில் தண்ணீரை தயாராக வைத்திருக்க வேண்டும்?

செம்மொழி மாநாட்டுக்காக, கருணாநிதி எழுதிய பாடலை 3 தலைமுறையை சேர்ந்த பாடகர்கள் பாடியிருக்கிறார்கள்” என்று இசையமைப்பாளர் ஏ.ஆர்.ரகுமான் கூறினார், இப்படி செய்தி!

பாடட்டும், ஆனால், இவர்களது அவலப் பாட்டை யார் பாடுவது? யார் இசை அமைப்பது? இதற்கு ஆஸ்காரா கொடுக்கப் போகிறார்கள்?

இங்கெ குடிநீர் இல்லை, ஆனால் அங்கோ 300 கோடிகள் செலவாம்! தேவையா? இப்படியெல்லாம் எந்த பகுத்தறிவும் கேட்பதில்லை!

அகப்பையுடன் ஊற்று நீருக்கு தவம்: தீராத மூன்று தலைமுறை அவலம்
மே 16,2010,00:00  IST

Important incidents and happenings in and around the world

காளையார்கோவில்: சிவகங்கை அருகே காளையார்கோவில் ஒன்றியம், இலந்தைக்கரை ஊராட்சியிலுள்ள கிராமங்களில் மூன்று தலைமுறைகளாக, கால்வாயில் ஊற்று தோண்டி தண்ணீர் எடுக்க வேண்டிய பரிதாபம் நிலவுகிறது.

இங்குள்ள பழுவூர், விலாங்காட்டூர், கிராம்புலி கிராமங்களில், பழுவூர் கூட்டு குடிநீர் திட்டத்தின் மூலம் தண்ணீர் வினியோகிக்கப்படுகிறது. உவர்ப்பாக இருப்பதால் சமைக்க, குடிக்க பயன்படுத்த முடியாது. இதனால், பல ஆண்டுகளாக, விலாங்காட்டூர் அருகே நாட்டார் கால்வாயில் ஊற்று தோண்டி, நீண்ட அகப்பையில் தண்ணீர் எடுக்கும் அவலம் உள்ளது. கோடையில் தண்ணீர் வற்றி விடுவதால், நீண்ட நேரம் காத்திருந்து தண்ணீர் எடுக்கின்றனர். இந்த அவலத்தை போக்க, ராமநாதபுரம் கூட்டு குடிநீர் திட்டத்தில், இந்த ஊராட்சி சேர்க்கப்பட்டது. குழாய்கள் சேதம் அடைந்துள்ளதால், முறையான வினியோகம் இல்லை. ‘கைக்கு எட்டியும், வாய்க்கு எட்டவில்லை’ என்ற கதையாக, ஊற்றில் பலமணி நேரம் தவம் கிடக்கும் நிலை இருக்கிறது.

‘காவிரி குடிநீர் சில நாட்கள் மட்டுமே வந்தது. இதுகுறித்து அதிகாரிகளிடம் தெரிவித்துள்ளேன். நாட்டார் கால்வாயில் ஊற்று உள்ள இடங்களை தேர்வு செய்து, சிமென்ட் உரை அமைக்க வேண்டும். குடிநீர் பிரச்னைக்கு நிரந்தர தீர்வு காண வேண்டும்’ என ஊராட்சி தலைவர் கருப்பையா கூறியுள்ளார்.

செம்மொழி மாநாட்டுக்காக, கருணாநிதி எழுதிய பாடலை “3 தலைமுறையை சேர்ந்த பாடகர்கள் பாடியிருக்கிறார்கள்
தினத் தந்தி – ‎1 மணிநேரம் முன்பு‎

“செம்மொழி மாநாட்டுக்காக, முதல்-அமைச்சர் கருணாநிதி எழுதிய பாடலை 3 தலைமுறையை சேர்ந்த பாடகர்கள் பாடியிருக்கிறார்கள்” என்று இசையமைப்பாளர் ஏ.ஆர்.ரகுமான் கூறினார்.
Advertisements