Archive for the ‘தலித்’ Category

ராகுலின் தலித் சித்தாந்த சொற்பொழிவு – தேர்தலுக்காக வேண்டி பேசிய மசாலா பேச்சு!

ஒக்ரோபர் 11, 2013

ராகுலின் தலித் சித்தாந்த சொற்பொழிவு – தேர்தலுக்காக வேண்டி பேசிய மசாலா பேச்சு!

அரசியலில் பௌதிகவியலை சேர்க்கும் அறிவுஜீவி: “தலித்துகளின்” மீது திடீரென்று ராகுலுக்கு கரிசனம் வந்து விட்டது. அதிலும் அவர்கள் அதிக வேகத்தைக் கொண்டிருக்க வேண்டும், புவியீர்ப்பு விசையிலிருந்து தப்பித்துச் செல்லும் அளவிற்கு வேகம் கொண்டிருக்க வேண்டும், பூமியின் அத்தகைய வேகம் 11.2 கிமீ/நொடி, ஜூபிடருக்கு 60 கிமீ/நொடி, இந்தியாவில் ஜாதி என்ற முறை இருப்பதால், தலித்துகளுக்கு ஜூபிடரைப் போன்ற வேகம் தேவை என்றெல்லாம் பேச ஆரம்பித்து விட்டார். அப்படி பேசும் போது, எதிர்கட்சிகளையும் விட்டு வைக்கவில்ல. “இந்தியா ஒளிர்கிறது”, என்று அவர்கள் சொன்னார்கள், ஆனால், 2004 மற்றும் 2009 தேர்தல்களில் தோல்வி அடைந்தார்கள். 2014 தேர்தலிலும் தோல்வி அடைவார்கள் என்றெல்லாம் பேசினார்[1]. இதில் வேடிக்கை என்னவென்றால், ஊழலைப் பற்றி துளிக்கூட மூச்சுவிடாமல், மற்றவற்றைப் பற்றி பேசிக் கொண்டிருப்பது இவரைக் கவனிப்பவர்கள் வெகுவாகவே அறிந்து கொள்கிறார்கள்.

மாயாவதியை ஆதரிப்பதுஎதிர்ப்பது,  காங்கிரஸின் அரசியல் விளையாட்டு: விக்யான் பவனில் ஏற்பாடு செய்யப்பட்டிருந்த, தேசிய விழிப்புணர்வு கூட்டத்தில் பேசும் போது, அம்பேத்கார் தான் முதல் முதலில் தப்பித்துச் செல்லும் வேகத்தைக் கொண்டிருந்தார். அதற்குப் பிறகு கன்ஷிராம் கொண்டிருந்தார்.  ஆனால், மாயாவதி தான் உயர்ந்தாலும், மற்ற தலித்துகள் உயரவிடாமல் தடுத்தார்[2]. இப்படி மாயாவதியை விமர்சிக்கும் அதே நாளில்தான், சோனியாவின் கைப் பொம்மையான அல்லது குண்டுக்கிளியான சிபிஐ மாயவதியின் மீது போடப்பட்ட “வருமானத்திற்கு அதிகமான சொத்துக் குவிப்பு” வழக்கிலிருந்து விடுவித்தது. அதாவது, ஒரு பக்கம் விடுவிப்பு, மற்றொரு பக்கம் சாடல் என்று ஆனால், தான் காங்கிரஸ் தலைவர்களிடம் தலித்துகளை பஞ்சாயத்து, எம்.எ.ஏ, எம்.பி மற்றும் கொள்கை அளவில் முன்னேற்ற வேண்டும் என்று கேட்டுக்கொண்டதாகக் கூறினார். தல்கடோரா ஸ்டேடியத்தில் நடைபெற்ற கூட்டத்தில், “தலித்துகள் காங்கிரஸின் முதுகெலும்பு”, என்றெல்லாம் பேசினார்[3].

காங்கிரஸ்பி.எஸ்.பி கூட்டணியில் உள்ள சிக்கல்: கன்ஷிராமின் இறந்த தினத்தை அனுஷ்டிக்கும் நாளில், மாயாவதி பதிலுக்கு காங்கிரஸ்தான் ஜாதியவாதத்துடன் செயல்படுகிறது என்று சாடியுள்ளார்[4]. கன்ஷிராமை காங்கிரஸ் என்றுமே மதிக்கவில்லை, அதுமட்டுமல்லாது எதிர்த்தும் உள்ளது, குறிப்பாக அவர் காலமான போது, துக்கம் கூட தெரிவிக்கவில்லை. இதனால் இந்நாட்டு தலித்துகள் என்றுமே காங்கிரஸை மன்னிக்காது[5] என்று எடுத்துக் காட்டினார். காங்கிரஸ் என்றுமே தலித்-எதிரியாகத்தன் இருந்துள்ளது[6]. 1996க்குப் பிறகு, காங்கிரஸ்-பி.எஸ்.பி கூட்டணி இருந்ததில்லை. மேலும், உபியைத் தவிர மற்ற மாநிலங்களில் தலித் ஓட்டுகள் காங்கிரஸுக்குப் பதிலாக பி.எஸ்.பிக்குத்தான் சென்றுள்ளன[7]. இதனை காங்கிரஸ் விரும்பவில்லை. அதனால் தான், இப்பொழுதும் கூட்டணி இல்லாமல், மாவாயதியை தாஜா செய்ய வழி பார்க்கிறது[8]. போதாகுறைக்கு சமஜ்வாடி மற்றும் பகுஜன் சமாஜ் கட்சிகளால், உபியை முன்னேற்ற முடியாது, காங்கிரஸால் தான் முடியும் என்றும் ராகுல் பேசியிருக்கிறார்[9]. ஆனால், உபியை எப்படி நேரு குடும்பம் ஆண்டுள்ளது என்பது எல்லோருக்கும் தெரிந்த விசயம் தான்.

தூங்கிக் கொண்டிருந்த தலித்குழுவை எழுப்பியது: காங்கிரஸின் எஸ்.சி குழு வருடங்களாக செயல்படாமல் இருந்தது. சமீபத்தில் தான், தலித்துகளின் ஓட்டுக்களை கவரலாம் என்ற எண்ணத்தில் அதனை உயிர்ப்பித்துள்ளனர். இக்குழுவில், ஓய்வு பெற்ற அரசு-அதிகாரிகள், சமூக-ஆர்வலர்கள், வக்கீல்கள் மற்றும் NSUI ன் ஒரு இருப்பினர் என்றுள்ளனர்[10]. இருப்பினும், இத்தனை ஆண்டுகளாகத் தூங்கிக் கொண்டிருந்த காங்கிரஸ், இப்பொழுது ஏதோ “தலித்துகளுக்காக” வேலை செய்வது போலக் காட்டிக் கொள்கிறது.

பட்டியல் இனத்தவர்களுக்கு அதிகாரமளித்தல்நிகழ்சியில்பேசியது[11]: புது தில்லியில் செவ்வாய்க்கிழமை (08-10-2013) நடைபெற்ற “பட்டியல் இனத்தவர்களுக்கு அதிகாரமளித்தல்’ குறித்த விழிப்புணர்வு நிகழ்ச்சி ஒன்றில் ராகுல் காந்தி பேசியது:

  • இந்தியாவில் தலித்துகள் எழுச்சி பல கட்டங்களாக நடைபெற்றது.
  • முதல் கட்டம், காங்கிரஸ் கட்சியுடன் சேர்ந்து அரசியல்சாசனம் உருவாகவும், தலித்துகளுக்கு இட ஒதுக்கீடு கிடைக்கவும் காரணமாக இருந்த அம்பேத்கரின் எழுச்சி.
  • இரண்டாவது கட்டம், இட ஒதுக்கீட்டில் இருந்து ஒரு இயக்கம் உருவாக காரணமாக இருந்த பிஎஸ்பி நிறுவனத் தலைவர் கான்ஷிராமின் பிரவேசம். அதில் மாயாவதிக்கும் பங்கு இருந்தது.
  • தற்போது தலித் தலைவர்களை உருவாக்குவது என்ற முக்கியமான மூன்றாவது கட்டத்தில் நாடு இருக்கிறது.

தலித்துகள் மேம்பாட்டுக்கு பல்வேறு நிலைகளில் பங்களிப்பைச் செய்துள்ள காங்கிரஸ் கட்சிக்கு இது ஒரு மிகப் பெரிய வாய்ப்பாகும். பஞ்சாயத்து அளவில் தொடங்கி எம்எல்ஏ, எம்.பி., மற்றும் கட்சியின் கொள்கைகளை வரையறுக்கும் குழுக்கள் வரை தலித் தலைவர்களை உருவாக்க வேண்டும். காங்கிரஸ்வசம் இருந்த தலித்துகளை மண்டல் கமிஷன் விவகாரம் மற்றும் ராமர் கோயில் பிரச்னையின்போது தன் பக்கம் பிஎஸ்பி இழுத்துக் கொண்டதாக கூறும் காங்கிரஸார், அவர்களை மீண்டும் நமது கட்சியின் பக்கம் கொண்டு வர வேண்டும் என்று ராகுல் காந்தி கூறினார்.

சீதாராம் கேசரியை அவமதித்தது: சீதாராம் கேசரி (1916 – 24 October 2000) என்ற தலித் காங்கிரஸ் தலைவர் எங்கு சோனியாவிற்கு போட்டியாக வந்து விடுவாரோ என்று 1997ல் நடந்த பொதுக்குழு கூட்டத்தின் போது, அவரை பாத்ரூமில் பூட்டிவிட்டு, காங்கிரஸ்காரர்கள் சோனியாவை காங்கிரஸின் தலைவராக தேர்ந்தெடுத்தனர். அதுதான், அவர்கள் தலித் தலலைவருக்கு அளித்த மரியாதை, யோக்கியதை. சோனியாவும், ஐயோ, ஒரு தலித் காங்கிரஸ் தலைவரை இவ்வாறு அவமதித்து விட்டனரே என்று ஏதும் வருத்தப் பட்டதாகவும், அந்த தலைவர் பதவியை அவருக்கே ஒப்புவித்து மரியாதை செய்ததாகவும், தலித்துகளை அப்படியே தூக்கி நிறுத்தியதாகவும் இல்லை. மாறாக, தான்தான் தலைவி என்று நிரந்தரமாக இருந்து விட்டார், இருந்து வருகிறார். சீதாராம் கேசரி பாவம், பிறகு அவர் நொந்து போய் 2000ல் காலமாகி விட்டார்!  தருண் தேஜ்பால் என்பவர் அவரை “1997 வருடத்தின் வில்லன்” என்றே கடுமையாக சாடியுள்ளார்[12]. காங்கிரஸையே கெடுத்துவிட்டார் என்று வர்ணித்தார்[13]. வீர் சிங்வி என்ற காங்கிரஸ் அடிவருடி பத்திரிக்கையாளரும், காங்கிரஸின் தலைமையை தீர்மானிப்பதில் இவருக்கு என்ன யோக்கியதை இருக்கிறது என்றேல்லாம் கேட்டு அவமானப் படுத்தினார்[14]. இவர் 2ஜி ஊழலில், பர்கா தத் என்ற என்டிடிவி நிருபருடன், மந்திரி பதவிக்காக பறிந்துரைக்கும் “ஏஜென்டு / தரகர்” வேலையில் ஈடுபட்டிருந்தனர் என்பது குறிப்பிடத் தக்கது. ஆனால், அத்தகைய எல்லா மெகா ஊழல்களிலும் ஊறி, நாறிப் போன கட்சியின் தலைவரான ராகுல், சீதாராம் கேசரியை தூக்கியெரிந்த சோனியாவின் மகன், இன்று தலித்துகளின் விடுதலை, முன்னேற்றம் அவற்றில் இருக்க வேண்டிய வேகம், வேகத்தின் தன்மை என்றெல்லாம் பேசிக் கொண்டிருக்கிறார்!

© வேதபிரகாஷ்

10-10-2013


[2] Addressing a function at Vigyan Bhavan on National Awareness Camp for Scheduled Castes Empowerment, Rahul Gandhi said B.R. Ambedkar was the first Dalit to attain escape velocity and after him Kanshi Ram channelised “the energy that was created due to reservation” and helped many Dalits attain escape velocity. But he said Mayawati, Bahujan Samaj Party (BSP) leader and former Uttar Pradesh chief minister, had captured the Dalit leadership and was not allowing others to rise.

[5] Addressing party workers here at Bahujan Prerna Kendra to mark the seventh death anniversary of Kanshi Ram, Mayawati said parties opposed to the party founder, especially Congress, had a “casteist” and “disdainful” attitude towards him. “This is the reason why the Congress-led government at the Centre did not declare even a day’s mourning on his death for which our people will never forgive Congress. This is a proof of their anti-Dalit mentality for which we criticise them in strong words,” she said in a statement issued here.

http://www.dnaindia.com/india/1901088/report-mayawati-attacks-rahul-gandhi-says-congress-has-a-bias-against-dalits

[7] UP Congress chief Nirmal Khatri said, “As of now, we are preparing to contest all 80 seats in UP. Under Rahul ji’s leadership, we are confident of winning at least 40.” Asked about the chances of an alliance with the BSP, he said, “I am not aware of any talks in this regard. We will act if and when the party high command takes a decision in this regard.” The Congress is wary that a nationwide alliance with the BSP could transfer its traditional Dalit votes in other states to the BSP forever. That is what happened in UP after the Congress-BSP alliance in the 1996 assembly elections. For now, it’s a question of who blinks first.

http://daily.bhaskar.com/article-ht/UP-facing-strong-narendra-modi-challenge-in-up-congress-seeks-alliance-with-bsp-4391648-NOR.html

[13] Sitaram Kesri’s notoriety is firmly in place, sealed for history in 1997. For our villain of the year has not only derailed governments, but has also ravaged the party that bred him. Not to Rajiv  Gandhi, not to Narasimha Rao, but to Sitaram Kesri will go the honours for burying the party of Nehru and Gandhi. In a curious way, things for the Congress have come a full circle. The party founded by an ornithologist 112 years back essentially as a forum for elite Indians has, after a glittering history of mass struggle and mass acceptance, retreated into the politics of closed rooms, headed appropriately by the master of closed-room deals and strategies. http://www.outlookindia.com/article.aspx?204883

திருமணம் செய்வதாக ஏமாற்றி விட்டார்: திருமாவளவன் மீது போலீஸ் கமிஷனரிடம் பெண் புகார்!

ஓகஸ்ட் 25, 2013

திருமணம் செய்வதாக ஏமாற்றி விட்டார்: திருமாவளவன் மீது போலீஸ் கமிஷனரிடம் பெண் புகார்!

 

புகார் கொடுத்த பெண்ணுடன் திருமாவளவன்

புகார் கொடுத்த பெண்ணுடன் திருமாவளவன்

விளம்பர ஆசைக் கொண்ட திருமாவளவன்: சிறுவயது முதலே, திருமாவளவனுக்கு விளம்பர ஆசை உண்டு. மற்றவர்கள் பார்க்க வேண்டும் என்று டீக்காக உடையணிந்து கொண்டு செல்வார். தன்னிடம் கவன இல்லை என்றால் பிகு செய்து கொள்வார். ஒருமுறை, சோனியாவுடன் மேடையில் இருந்தபோது, புகைப்படம் எடுக்கும் போது, ஓரங்கட்டப் பட்டபோது, முகத்தில்/முகத்தைக் காட்டிக் கொண்டார். புரிந்து கொண்ட சோனியா அருகில் அழைத்து புகைப்படம் எடுக்க சொன்னார். பிறகு சினிமா ஆசையும் வந்தது. விளம்பரத்தில் தாராளமாக தன் புகைப்படம் உபயோகப்படுத்தப் பட்டது. அதுமட்டுமல்லாது, கிராமப் புறங்களில், சிவாஜி போல பேனர்கள், கட்-அவுட் வைக்கப்பட்டன. இப்பொழுது இந்த புகாரில் சிக்கியுள்ளார். தினமலர் பெயரைக் குறிப்பிடாமல் செய்தியை வெளியிட்டது[1].

 

நடிகரான திருமாவளவன்

நடிகரான திருமாவளவன்

திருமணம்செய்வதாகஏமாற்றிவிட்டார்: திருமாவளவன்மீதுபோலீஸ்கமிஷனரிடம்பெண்புகார்[2]: கோவை மாநகர போலீஸ் கமிஷனர் அலுவலகத்துக்கு 24-08-2012 அன்று மதியம் 33 வயது மதிக்கத்தக்க கவிதா என்ற பெண் வந்தார். அவர் போலீஸ் கமிஷனர் விஸ்வநாதனை சந்தித்து ஒரு புகார் மனு கொடுத்தார். அதில் கூறியிருப்பதாவது: “நான் கோவையில் உள்ள கவிதா தியேட்டர் உரிமையாளரின் மகள். எனக்கும் செந்தில் என்பவருக்கும் திருமணம் நடந்தது. கருத்து வேறுபாடு காரணமாக இருவரும் பிரிந்து விட்டோம். அதன் பின்னர் ஒரு குழந்தையை தத்தெடுத்து வளர்த்து வருகிறேன். குழந்தையை தத்தெடுப்பது தொடர்பாக டெல்லி சென்ற போது திருமாவளவனுடன் நட்பு ஏற்பட்டது. அவர் என்னை திருமணம் செய்வதாக கூறியிருந்தார். கோவை ரேஸ் கோர்சில் உள்ள எனது வீட்டுக்கு வந்து செல்வார். இந்த நிலையில் சில காரணங்களைக் கூறி என்னை திருமணம் செய்ய முடியாது என்று கூறுகிறார். இதனால் நான் ஏமாற்றம் அடைந்துள்ளேன்[3]. மேலும் எனக்கு மிரட்டல்களும் வருகிறது. எனவே எனக்கு பாதுகாப்பு வழங்க வேண்டுகிறேன். எனது சொத்துக்களை திருமாவளவனின் பெயரைக்கூறி விஜயகுமார், சீனிவாசன், கார்த்தி, ஜெயந்தி ஆகியோர் ஆக்கிரமித்துக் கொண்டனர். இதனால் மிகுந்த மன உளைச்சல் ஏற்பட்டுள்ளது”, மேற்கண்டவாறு அந்த புகார் மனுவில் கூறப்பட்டுள்ளது[4].

 

சினிமாக்காரர்களுடன் திருமாவளவன்

சினிமாக்காரர்களுடன் திருமாவளவன்

விடுதலைசிறுத்தைகள்கட்சிஅறிக்கைஅபாண்டமானஅவதூறு: விடுதலை சிறுத்தைகள் கட்சி தலைமை அலுவலகம் நேற்று வெளியிட்டுள்ள அறிக்கை[5]: கோவை மாநகர கமிஷனரிடம் கவிதா என்பவர் கொடுத்த புகாரில் எந்த இடத்திலும்  திருமாவளவன் பெயரை கூறவில்லை என்பது குறிப்பிடத்தக்கது. ஆனால் பேட்டியில் விடுதலை சிறுத்தைகள் கட்சி பற்றியும், திருமாவளவன் பற்றியும் அவதூறு செய்திகளை கூறியிருக்கிறார். தான் எடுத்து வளர்க்கும் குழந்தையின் பிறந்த நாளுக்கு கவிதா அழைத்ததன் அடிப்படையில், ஒரு கட்சியின் தலைவர் என்கிற முறையில் அந்த நிகழ்ச்சியில் கலந்து கொண்டார்.  கவிதா கட்சியின் கொடியை தனது காரில்  கட்டிக்கொண்டு, தன்னுடன் வியாபாரத் தொடர்பில் உள்ளவர்களை மிரட்டியிருக்கிறார். இது தெரிய வந்த போது, கட்சியினர் இது தவறு என்று கூறி அவரை அனுப்பி வைத்துள்ளனர்.  அவர் கூறியபடி, கார்த்திக் மற்றும் அவரது நண்பர்கள் யாரும் விடுதலை சிறுத்தைகள் கட்சியை சேர்ந்தவர்கள் இல்லை. எனவே கவிதா கூறுவது முற்றிலும் அபாண்டமான அவதூறாகும். இதனால் கவிதா மீது கட்சி சார்பில் புகார் கொடுக்க முடிவு செய்துள்ளோம். இவ்வாறு அறிக்கையில் கூறப்பட்டுள்ளது[6].

 

பல முகங்களுடன் திருமாவளவன்

பல முகங்களுடன் திருமாவளவன்

புகார் – புகாரின் மீது புகார் – தொடரும் புகார்கள்: கட்சியின் பெயரையும், தலைவரின் பெயரையும் கவிதா என்பவர் தவறாகப் பயன்படுத்தி வந்தது தாமதமாகவே தெரிய வந்தது. அவர் கட்சித் தலைவர் தொல். திருமாவளவன் மீது கூறியுள்ள புகார்கள் அபாண்டமானவை, அவதூறு ஏற்படுத்தும் நோக்கில் அமைந்தவை. எனவே, இது தொடர்பாக காவல்துறையினரிடம் கட்சியின் சார்பில் கவிதா மீது புகார் கொடுக்க முடிவு செய்துள்ளோம் என்று விடுதலைச் சிறுத்தைகள் கட்சியின் செய்தித் தொடர்பாளர் வன்னி அரசு கூறியுள்ளார்[7]. இதுதொடர்பாக வன்னிஅரசு வெளியிட்டுள்ள அறிக்கை: “கோவையைச் சார்ந்த கவிதா என்பவர் 24-08-2013 அன்று கோவை மாநகரக் காவல் ஆணையர் அவர்களைச் சந்தித்து புகார் மனு ஒன்றை அளித்துள்ளார். அதன் பின்னர் செய்தியாளர்களைச் சந்தித்துள்ளார். அப்போது விடுதலைச் சிறுத்தைகள் கட்சியின் மீதும் கட்சியின் தலைவர் தொல்.திருமாவளவன் அவர்கள் மீதும் அவதூறான செய்திகளைக் கூறியிருக்கிறார். காவல்துறையினரிடம் கொடுத்த புகாரில், கோவையைச் சார்ந்த கார்த்திக், அவரது மனைவி ஜெயந்தி, வழக்கறிஞர் விஜயகுமார் மற்றும் அவரது உதவியாளரான லதா, லதாவின் கணவர் சந்துரு ஆகியோர், கவிதாவுக்குச் சொந்தமான எஸ்.டி.கே.எஸ். நர்சரிப் பள்ளியை குத்தகைக்குக் கேட்டதாகவும், பின்னர் மிரட்டிபவர்எழுதி வாங்கிக் கொண்டதாகவும் கூறியிருக்கிறார். புகாரில் எந்த இடத்திலும் விடுதலைச் சிறுத்தைகளின் தலைவர் தொல்.திருமாவளவன் பெயரைக் கூறவில்லை என்பது குறிப்பிடத்தக்கதாகும்”.

 

நடிகரான திருமாவளவன்

நடிகரான திருமாவளவன்

பலமுறை கொடுத்துள்ள புகார்: “ஏற்கனவே சில வாரங்களுக்கு முன்பு தலைமைச் செயலகத்தில் முதலமைச்சரின் தனிப் பிரிவிலும், பாண்டிச்சேரி காவல் நிலையத்தில் ஒருமுறையும், பின்னர் சென்னையில் காவல் துறை தலைமை இயக்குநர் அலுவலகத்தில் இரண்டு முறையும் இதே புகாரை கவிதா அளித்திருக்கிறார். மேற்கண்ட ஐந்து புகார்களிலும் எமது கட்சியின் தலைவர் தொல். திருமாவளவன் அவர்களைப் பற்றி அவதூறாக எதையும் குறிப்பிடவில்லை. ஆனால், அதற்கு நேர்மாறாக, கோவையில் செய்தியாளர்கள் சந்திப்பில் கட்சியைப் பற்றியும், தலைவரைப் பற்றியும் அபாண்டமான அவதூறு செய்திகளைக் கூறியிருக்கிறார். தான் எடுத்து வளர்க்கும் குழந்தையின் பிறந்த நாளுக்கு கவிதா அழைத்ததன் அடிப்படையில், ஒரு கட்சியின் தலைவர் என்கிற முறையிலும், தலித் அல்லாத சமூகத்தைச் சேர்ந்த ஒரு பெண்மணி தன் குழந்தையின் விழாவுக்கு வரும்படி விடுத்த வேண்டுகோளை மதிக்க வேண்டும் என்கிற அடிப்படையிலும் அந்நிகழ்ச்சியில் கலந்துகொண்டு குழந்தையை வாழ்த்தினார். இது சுமார் இரண்டு ஆண்டுகளுக்கு முன்பு நடந்தது. அதன் பின்னர் கட்சிக்குத் தொலைக்காட்சி தொடங்குவதற்கு தாம் நிதி உதவி அளிக்க விரும்புவதாகச் சொல்லி சென்னையில் கட்சியின் தலைமை அலுவலகத்தில் தலைவரைச் சந்தித்திருக்கிறார். ஆனால், அவ்வாறு நிதி உதவி எதுவும் தேவையில்லை என்று எமது கட்சியின் தலைவர் மறுத்து விட்டார். அதன் பின்னர் ஒன்றரை ஆண்டுகளுக்கு மேலாக அவருடன் எந்தத் தொடர்பும் இல்லை. ஆனால், கட்சியின் கொடியை தனது காரில் கட்டிக்கொண்டு தன்னுடன் வியாபாரத் தொடர்பில் உள்ளவர்களை மிரட்டியிருக்கிறார். கட்சியின் பெயரையும், கட்சித் தலைவரின் பெயரையும், கட்சியின் கொடியையும் தொடர்ந்து அவர் தவறாகப் பயன்படுத்தி வந்தது மிகவும் காலதாமதமாகவே தெரிய வந்தது.

 

நடனமாடும் திருமாவளவன்

நடனமாடும் திருமாவளவன்

கவிதா கட்சியின்பெயரையும், கொடியையும்பயன்படுத்தியது: ஒரு முறை கட்சிக் கொடி கட்டிய காரில், கட்சியின் தலைமை அலுவலகத்திற்கு, தலைவர் இல்லாத நேரத்தில் வந்தார். அங்கிருந்த பொறுப்பாளர்கள் விசாரித்தபோது அவர் கட்சியைச் சேர்ந்தவர் இல்லை என்பதும், கட்சியின் பெயரையும் கட்சியின் தலைவரின் பெயரையும் தவறாகப் பயன்படுத்துவது அவர்தான் என்பதும் தெரிய வந்தது. கட்சியில் இல்லாத ஒருவர் கட்சியின் பெயரையும், கொடியையும் பயன்படுத்துவது தவறு என்று மிகுந்த கனிவோடு அறிவுறுத்தி அனுப்பி வைத்திருக்கிறார்கள். இனி அவ்வாறு பயன்படுத்த மாட்டேன் என்று சொல்லிவிட்டுச் சென்றிருக்கிறார். இந்நிலையில், கட்சிக்கும் தனக்கும் தொடர்பில்லை என்று நர்சரி பள்ளியை வாங்கிய கார்த்திக் மற்றும் அவரது நண்பர்களுக்குத் தெரிந்ததால்தான், தரவேண்டிய பணத்தைத் தராமல் இழுத்தடிக்கிறார்கள், ஏமாற்றப் பார்க்கிறார்கள் என்று கவிதா கருதியிருக்கிறார். அதனால் தலைவரின் ஓட்டுநர் முத்துப்பாண்டியைத் தொடர்புகொண்டு, உங்கள் தலைவரிடம் சொல்லி கார்த்திக்கை மிரட்டிப் பணம் வாங்கித் தாருங்கள்என்று கேட்டிருக்கிறார். இதுபோன்ற விஷயங்களில் கட்சியோ, கட்சித் தலைவரோ தலையிட மாட்டார்கள் என்று சொல்லி முத்துப்பாண்டி மறுத்திருக்கிறார். அதற்கு, அப்படியா உங்களைத் தலையிட வைக்கிறேன் பார். உங்களை அசிங்கப்படுத்துகிறேன் பார் என்றெல்லாம் முத்துப்பாண்டியிடம் ஆவேசமாகப் பேசியிருக்கிறார். அதன் பின்னரே இவ்வாறு புகார் கொடுக்கும் முயற்சியில் அவர் ஈடுபட்டிருக்கிறார் என்று தெரிய வருகிறது.

 

மின்சாரம் சிடி வெளியிடும் திருமாவளவன்

மின்சாரம் சிடி வெளியிடும் திருமாவளவன்

பிரச்சினை யாருடன் – விளக்கும் விசிகே: அவர் கூறியுள்ளபடி, கார்த்திக் மற்றும் அவர்களது நண்பர்கள் யாரும் விடுதலைச் சிறுத்தைகள் கட்சியைச் சேர்ந்தவர் இல்லை; கட்சிக்குத் தொடர்புடையவர்களுமில்லை. அத்துடன் இந்த விவகாரத்தில் கட்சியோ, கட்சியின் தலைவரோ, தலைவரின் ஒட்டுனரோ யாரும் தலையிடவேயில்லை. கவிதா என்பவர் கூறியிருப்பது முற்றிலும் அபாண்டமான அவதூறாகும். கட்சியின் பெயரையும், தலைவரின் பெயரையும் கவிதா தவறாகப் பயன்படுத்தி வந்தது தாமதமாகவே தெரிய வந்தது. எனவே, இது தொடர்பாக காவல்துறையினரிடம் கட்சியின் சார்பில் கவிதா மீது புகார் கொடுக்க முடிவுசெய்துள்ளோம்”, என்று தெரிவிக்கப்பட்டுள்ளது[8].

மின்சாரம் போஸ்டரில் திருமாவளவன்

மின்சாரம் போஸ்டரில் திருமாவளவன்


[1] தமிழகத்தில் உள்ள முக்கிய அரசியல் கட்சியின் தலைவரிடம் இருந்து தனக்கு கொலை மிரட்டல் வருவதாக கோவை போலீஸ் கமிஷ்னரிடம் புகார் அளித்துள்ளார். கோவையில் 2005-2009ம் ஆண்டு முதல் நர்சரி பள்ளி வைத்து நடத்தி வந்தவர் கவிதா. இவர் பள்ளி நடத்திய போது லதா மகேஷ்வரி என்ற பெண் வீட்டு வேலைக்காக சேர்ந்துள்ளார். அவர் மூலம் கார்த்திக் என்பவர் அறிமுகமாகி உள்ளார். இவர் பள்ளியை தன்னிடம் ஒப்படைக்குமாறும், பள்ளியை விரிவுபடுத்தி முன்னேற்றி தருவதாகவும் தெரிவித்துள்ளார். பின் சிறிது நாட்களிலேயே பள்ளியை தன் பெயருக்கு பதிவு செய்து தருமாறு கொலை மிரட்டல் விடுத்ததுடன் பாலியல் தொந்தரவும் அளித்துள்ளார். இது தொடர்பாக கவிதா, போலீஸ் கமிஷ்னர் விஸ்வநாதனிடம் புகார் அளித்துள்ளார். அதில் தமிழகத்தின் முக்கிய அரசியல் தலைவர் ஒருவர் தான் தன் மீதுள்ள தனிப்பட்ட விரோதம் காரணமாக கார்த்திக்கை வைத்து தனக்கு கொலை மிரட்டல் விடுவதாகவும், அதனால் தனக்கு பாதுகாப்பு தர வேண்டும் எனவும் தெரிவித்துள்ளார். http://www.dinamalar.com/news_detail.asp?id=787988

[2] மாலைமலர், பதிவு செய்த நாள் : சனிக்கிழமை, ஆகஸ்ட் 24, 3:35 PM IST

http://www.maalaimalar.com/2013/08/24153534/thirumavalavan-against-woman-c.html